കുഞ്ഞൻ വെള്ള്യാഴ്ച സ്കൂള്ന്ന് വന്നപ്പൊ എന്താ കണ്ടേന്നറിയോ.
വീട്ട്ലൊരു പൂച്ചക്കുട്ടി.
കുഞ്ഞന് പൂച്ചക്കുട്ട്യേ വല്ല്യ ഷ്ടായീ. വെള്ത്ത പൂച്ചക്കുട്ട്യാ. എട്ക്കെട്ക്ക് മ്യാവൂ മ്യാവൂ ന്ന് പറേം.
പിയ അദ്നിത്തിരി പാല് കൊട്ത്തു. പൂച്ചക്കുട്ടി പാല് നക്കിനക്കി കുടിക്കണ കാണാൻ നല്ല രസാ. മാമു കൊട്ത്തപ്പഴും ഉണ്ടു. ന്നാലും ബിസ്കറ്റ് കൊട്ത്തപ്പ്ളും ബ്രെഡ് കൊട്ത്തപ്പ്ളും പൂച്ചക്കുട്ടി തിന്നില്ല്യാ.
അമ്മ വന്നപ്പൊ പർഞ്ഞു പൂച്ചക്കുട്ട്യേ അദികം എട്ക്കണ്ടാ ന്ന്. പൂച്ചക്കുട്ടി മാന്തുംത്രെ. മാന്ത്യാ കുഞ്ഞന്റെ മേത്ത് മുറ്യാവും, ചോര വരും. പൂച്ചക്കുട്ടിക്കാച്ചാ നല്ല നഖംണ്ടേയ്. പൂച്ചക്കുട്ടീടെ മേത്ത് ബാക്റ്റീര്യൊക്കെ ണ്ടാവുംത്രെ. അദോണ്ട് പൂച്ചക്കുട്ട്യേ തൊട്ടാ കയ്യ് നല്ലോണം കഴ്കണം ന്നും പർഞ്ഞു അമ്മ.
പൂച്ചക്കുട്ട്യേ കുള്പ്പിക്കാം ന്ന് പർഞ്ഞപ്പൊ അമ്മ സമ്മേച്ചില്ല്യ. പിന്നെന്താ കുഞ്ഞൻ ചെയ്യാ?
വൈന്നേരായ്പ്പൊ പൂച്ചക്കുട്ട്യേ പൊർത്താക്കാൻ പർഞ്ഞൂ അമ്മേം പിയേം ഒക്കെ.
പൂച്ചക്കുട്ടി എങ്ങ്ന്യാ ഒറ്റയ്ക്ക് കെട്ക്കാ. അദ്ന് പേട്യാവില്ല്യേ.
അമ്മ പർഞ്ഞൂ പൂച്ചക്കുട്ടി അദ്ന്റെ അമ്മേടെ അട്ത്ത് പൊക്കോട്ടേന്ന്. അപ്പൊ പേട്യാവില്ല്യാത്രെ. ന്ന്ട്ടും പൂച്ചക്കുട്ടി സിറ്റൗട്ട്ലെന്നെ ഇരുന്നു. എട്ക്കെട്ക്ക് കുഞ്ഞന്റെ അട്ത്ത് വരണം, കുഞ്ഞന്റെ അട്ത്ത് വരണം ന്ന് പറേണ്ടാർന്നു (മ്യാവൂ മ്യാവൂ ന്നാ പറേണെ, ന്നാലും കുഞ്ഞനറിയാലോ).
കുഞ്ഞൻ പർഞ്ഞു പൂച്ചക്കുട്ടീ, നീയ് പൊക്കോ അമ്മേടട്ത്തയ്ക്ക് ന്ന്.
എത്ര പർഞ്ഞ്ട്ടും പൂച്ചക്കുട്ടി പോണില്ല്യ. അദ് കൊർച്ച് നേരം ഷൂ റാക്കിന്റെ മോളില് കേറി നിന്ന് ജനൽല്ക്കൂടെ കുഞ്ഞനെ നോക്കി. പാവം, ഒന്ന് രണ്ട് പ്രാശ്യം അദ് ഷൂറാക്കിന്റെ മോള്ന്ന് വീണു. കുഞ്ഞന് സങ്കടായി, കൊറേ കരഞ്ഞു.
അച്ഛൻ പർഞ്ഞൂ പൂച്ച വീണാലും ഒന്നും പറ്റില്ല്യാന്ന്. ന്നാലും പാവം പൂച്ചക്കുട്ട്യല്ലേ, വേദ്നേണ്ടാവില്ല്യേ....
രാത്ര്യായ്പ്പൊ പൂച്ചക്കുട്ടിക്കും ഒർങ്ങണ്ടേ. കുഞ്ഞൻ വചാര്ച്ചൂ പൂച്ചക്കുട്ട്യേം കെട്ടിപ്പിട്ച്ച് കെട്ക്കാം ന്ന്. അമ്മ പർഞ്ഞൂ പൂച്ചക്കുട്ടി കെട്ക്കേല് കെട്ന്നാ ശര്യാവില്ല്യാ ന്ന്. പൂച്ചക്കുട്ടി കേട്ക്കേലൊക്കെ അപ്പീടും, മൂത്രൊഴ്ക്കും ന്നൊക്കെ. പൂച്ചക്കുട്ടിയ്ക്ക് കുഞ്ഞനെപ്പോലെ വണ്ണിന് പോണം ന്ന് പറയാൻ പറ്റില്ല്യാലൊ.
കുഞ്ഞന് പിന്നേം സങ്കടായി. നിപ്പൊ പൂച്ചക്കുട്ടി നാളെ വന്നില്ല്യാച്ചാലോ? പൂച്ചക്കുട്ടിക്ക് പേടീണ്ടാവുംച്ചാലോ?
അപ്പൊ അമ്മ പർഞ്ഞൂ പൂച്ചക്കുട്ടി അദ്ന്റെ അമ്മേം കൂട്ടി വന്നോട്ടേന്ന്. അപ്പൊ പൂച്ചക്കുട്ടിക്ക് പേടീണ്ടാവില്ല്യലൊ. പൂച്ചക്കുട്ട്യോട് പർഞ്ഞാ മതീ നാളെ അച്ഛനേം അമ്മേം കൂട്ടി വരണം ന്ന്.
അപ്പൊ കുഞ്ഞന് സംശ്യായീ. പൂച്ചക്കുട്ടിയ്ക്ക് പർഞ്ഞാ മൻസ്ലാവോ. പൂച്ചക്കുട്ടിയ്ക്ക് അറ്യോ നമ്മളെന്താ പറേണത്ന്ന്.
കുഞ്ഞൻ അമ്മ്യോട് പർഞ്ഞൂ.
അമ്മേ.... പൂച്ചക്കുട്ടിയ്ക്ക് നമ്മള് പർഞ്ഞാ മൻസ്ലാവില്ല്യ. അദ്ന് എഴ്തിക്കൊട്ക്കാം, നാളെ അമ്മേം കൂട്ടി വരണംന്ന്.
അമ്മ സ്ലേറ്റില് എഴ്തി, പൂച്ചക്കുട്ട്യോട് അമ്മേം കൂട്ടി വരാൻ. കുഞ്ഞൻ സ്ലേറ്റും കൊണ്ട് പൊർത്തയ്ക്ക് പോയി പൂച്ചക്കുട്ടിയ്ക്ക് കാൺച്ച് കൊട്ത്ത്ണ്ട്.
പിറ്റേന്ന് രാവ്ലെ നോക്കീപ്പൊ പൂച്ചക്കുട്ടീണ്ട്, അദ്ന്റെ അമ്മേംണ്ട്. അച്ഛൻ എവ്ട്യാവോ?
കുഞ്ഞന്റെ കൂടെ ടിവി കാണാനും ബോള് തട്ടിക്കളിക്കാനും ഒക്കെ കൂടി ന്നലെ.
ഇന്ന് സ്കൂളില്യാ, അമ്മയ്ക്കും അച്ഛനും ഓഫീസ്ണ്ട് (ഹർത്താൽ). അപ്പൊ കുഞ്ഞനും പൂച്ചക്കുട്ടീം കൂടി കളിക്കും. പൂച്ചക്കുട്ടിക്ക് പാല് കൊട്ക്കും, മാമു കൊട്ക്കും, കളിയ്ക്കും.... ഹായ് ഹായ്
Tuesday, July 6, 2010
Subscribe to:
Post Comments (Atom)
8 comments:
കുഞ്ഞന്റെ പുത്യേ ചങ്ങാത്യെ എനിക്കും ഇഷ്ടായി...എനിക്കും ഉണ്ടാര്ന്നു പഴേ വീട്ടില് പൂച്ചക്കുട്ട്യോള് , പുത്യേ വീട്ടില്ക്ക് പോന്നപ്പോ അവരെ കൊണ്ടോരാന് നോക്കീതാ, അവര് വരണില്ല്യാ. അവരിപ്പഴും അവിടെ തന്ന്യാ, ഇടയ്ക്കിടെ പോകുമ്പോ അവര്ക്ക് എന്ത് സന്തോഷാന്നോ , എനിക്കും :).
ഇത് കണ്ടപ്പോ, അവരടെ കാര്യം ആലോചിച്ച് എനിക്കിത്തിരി സങ്കടോം ആയിട്ടാ :(
നല്ല ശൈലി... കുഞ്ഞന്റെ നിഷ്കളങ്കത ശരിക്കും കണ്വേ ചെയ്യുന്നുണ്ട്.. അഭിനന്ദനങ്ങള്
കുഞ്ഞന്റെ പുതിയ കൂട്ടുകാരൻ
ഇന്നലെ ഒരു ഹർത്താൽ സ്പെഷൽ കുളിപ്പിക്കൽ കൂടി നടത്തിയിട്ടുണ്ട് കുഞ്ഞൻ. ഉപയോഗിച്ചത് എന്ത് സോപ്പാണെന്ന് അറിയില്ല.
രസായി കുഞ്ഞന് കഥ....ന്നാലും അധികം അടുക്കേണ്ട ട്ടോ കുഞ്ഞാ.ഒരീസം അത് എവ്ട്യേലും പോയീച്ചാല് വല്യ സങ്കടാവില്യെ??....സസ്നേഹം
കുഞ്ഞന്റെ ലോകമെനിക്ക് ഒത്തിരി ഇഷ്ടായി, നന്തനാരുടെ ഉണ്ണിക്കുട്ടന്റെ ലോകം പോലെ. നല്ല രസകരമായി എഴുതിയിരിക്കുന്നു!
രസകരമായി എഴുതിയിരിക്കുന്നു.
ആസ്വദിച്ചു
യുക്തിവാദിയുടെ സംസ്കാരം
Post a Comment